葉思雅：好多嘢都比DSE成績重要
一位中學同學仔傾訴，學校不斷加操練習，好想大家DSE科目達到5以上。他一臉倦容，又擔心得不得了，擔心自己做不到學校的要求。
看見他的疲倦，我感到很心痛。聆聽了他一陣子後，我決定告訴他：「其實得到5*或5**，也未必一定保證你有美好前程。我在社會打滾了20幾年就知道，做嘢做成點，根本同你份公開試成績關係唔大。」
他睜大雙眼望著我，不敢相信，期待我說下去。
「我喺呢間輔導中心做咗咁耐，見過好多人。真係遇過唔少人，DSE成績欠佳，而家都搵到一技之長或興趣好好地活下去。我office都有同事係咁，可以俾你認識下。」
其實，出到社會，你有無良好工作態度、溝通能力、一技之長，真係比起那份DSE成績表重要。趁青春，嘗試更多，探索更多，work hard play hard，其實更加重要。但係到底今日我哋有沒有俾機會年輕人勇敢去試？我哋係咪只維護了大人的期待，把自己的焦慮，投射在年輕人身人，沒有公平地讓他們去認清現實及發掘自己的潛能？
心裡好想擁抱每一個孩子，好想你們感到安全、被信任和被接納，能夠有喘息的空間。
（原載於香港中華基督教青年會輔導組threads，題為編者所擬）
