訪慈悲香港之家：照顧無家者日常及心靈需要的社區客廳

如果你要喺街上流連24小時，中途冇地方補給，你會帶啲咩喺身？可能係一個裝住幾枝水、10000mAh尿袋、雨遮嘅大背囊。其實呢啲就係無家者嘅日常。慈悲香港（Mercy HK）上年10月在油麻地上海街設立了「慈悲香港之家」，中心為無家者提供服務，不單照顧他們的日常需要，更在生活、就業、人際關係上，陪伴他們重建人生。

▍ 日夜背著家當的穩叔

「我哋間唔中去外展（關心街上的無家者），好天曬落雨淋都出去，我哋自己襪又濕，衫又濕，更何況係街友呢？」慈悲香港之家負責人Simon分享，他們發現無家者在日常生活中其實遇到很多不便。於是同工開始構思建立社區客廳，接待一班無家者，為他們提供基本生活需要，包括淋浴間、洗手間、飲水機、微波爐等。

Simon形容，無家者穩叔從前日日背著一個很沉重的大背囊，一問之下才發現裡面裝著一天需用的補給品。「我哋以為好小嘅事，對於街友嚟講可以好大件事......我哋都幫佢換過幾個背囊，一年要換幾個。」

喝水、充電、洗澡等都是無家者每日要面對的挑戰。「麥當勞人多，我多數都係搭巴士，搭去天水圍囉......可以休息同叉電。」穩叔指，以前他要在街上和快餐店流連，現在他們不用在走來走去，在中心就能夠解決生活需要，「依家個背囊都扁咗」。

▍ 不止接受服務 更服務他人

以前曾經是無家者的阿強現在在中心工作，負責打點日常事務。原來一年前，阿強仍然露宿街頭，Simon和義工在麥當勞認識了他，幫助他找工作和申請援助，令阿強的生活改變。慈悲香港董事Eddie分享，「其實我哋係想帶俾佢哋希望。如果一個人有希望，我哋又同佢同行，其實佢就會有改變。好似阿強咁，我哋雖然認識咗一年，但係其實頭三個月已經改變咗。」

「我哋有權利，必然有義務，喺呢度食飯都有啲規矩......」阿強介紹中心的規則，每日中午中心會為無家者提供免費午餐，但來吃飯的街坊都需要出一份力，幫手「開飯」。他們要分工合作，負責裝飯、鋪枱、洗餐具、掃地等。飯桌旁的白板寫有分工表，Simon指「一日冇人填晒四個名，我哋都唔會開飯。街坊都好合作，會自動舉手做。」每月更有「服務之星」，嘉許參與義務工作最多的街友。

▍ 生命改變 關係重建

慈悲香港義工定期會探訪露宿街頭、公園的街友，他們在今年農曆新年期間接觸到街坊盧仔。盧仔之前在咸美頓街、砵蘭街、廟街一帶露宿，當時他的腳受到細菌感染，義工協助他到醫院接受治療。「佢哋執返我條命......以前喺公園坐喺度百無聊賴，唔知點咁......又唔識搵人幫手，依家就識啦。」

最近他在機構幫助下暫住老人院，但他仍然會到中心與街坊看電視、幫手打掃。除了他，有很多街友都願意服務大家，主動負起清潔和收拾的責任。更有些做過很多份散工的街友，會主動介紹工作給其他街友，互相照顧。他們在中心裡一起吃飯、相處，無形中重建人際關係，也讓他們感受到家的溫暖。

▍ 讓街坊看到上主的愛

Simon分享，每天午飯時間，他們都會一同看福音見證短片，有時又會與他們分享一小段經文，讓他們慢慢認識天主。但Simon強調，「無論佢信咩宗教，只要佢有需要，我哋都會幫佢。最後佢見到我哋嘅愛，信咗主，係耶穌基督上主撒嘅種。」

慈悲香港留意到街坊有不同的需要，會定期舉辦活動、培訓和查經班，讓街坊自由參與。街友月蘭分享她參加了剪髪班，希望有一技之長，助人自助。另一個街友志安參加了查經班，學習研讀聖經，希望繼續認識上主。

「我諗有時露宿者會係咁，冇人關心佢，所以佢自己都唔關心自己，咁你點重建關係係好重要嘅，有人關心佢佢就會開放，開放咗就會接納返其他人。」Eddie見證多個無家者的生命改變，他和Simon都認為幫助無家者，不單止為他們提供生活所需，更重要的是處理他們背後的家庭、身體、甚至心靈的需要，才可以幫助他們重新站起來。

文：Betsy