深水埗劏房環境有幾惡劣？

屋企冇窗、冇冷氣，得抽氣扇位，夏天間唔中熱醒，熱到要起身用毛巾抹吓身。床下底裂開咗，但業主隔咗好耐，先揾張櫈仔攝住就算。衫要用手洗，不過有露台可以晾。如果你住喺呢間劏房，你頂得順嗎？深水埗街坊鄭先生卻說：「慣咗，無乜嘢唔開心，隨遇而安。」

基督教關懷無家者協會外展同工Spencer指出，很多街坊跟鄭先生一樣，住在需要被取締的「劣質劏房」，不符合政府推出的「簡樸房」要求，例如沒有窗、獨立廁所。無家者協會最近用影像呈現劏房生活，Spencer說：「你就算想像唔到有幾唔適切（居住），睇相都可以見到」。

▍    板間房街坊：唔辛苦就假嘅，不過慣咗

幾年來住過尖沙咀、旺角，現住深水埗汝州街唐樓的鄭先生，居所僅夠擺放一張雙層床、一個雪櫃。雖然業主說可以煮食，但共住一室、一板之隔的四戶人家，只有兩、三個爐，上面擺滿別人之物，鄭先生就不願使用。

Spencer補充，基層的每月租金津貼只有$2515，而劏房月租超過$3000，即使自己倒貼，政府卻隨時會用「交到租」為由拒批綜援。綜援扣除租金，鄭先生平均每日只有$150食飯，有四日會過來無家者協會地舖食午飯，他笑說「呢度啲人咁親切，怎會不想來？」鄭先生不時也會約朋友去酒樓飲茶，指自己不算不夠錢開飯，「咪糧頭食好啲」。

回到劏房，鄭先生跟同住的鄰舍「無乜衝突，見到打吓招呼」，不過就不會像朋友那樣，去飲茶吹水。有時他也會聽見隔籬嗌交嘈兩句，他歎說「邊個無私心吖」，但也不會插嘴。訪問近一小時，鄭先生掛在口邊的是「慣咗」——不論是開燈瞓覺、朝早聽見鄰家孩子出門的腳步聲，還是辛苦的炎熱。惟有木蝨難耐，他試過找師傅治理，卻始終無法除滅。

▍    劏房改做「簡樸房」租金必增

Spencer認為，雖然目前的劏房租金已高於租金津貼，但業主通常都覺得「已經平咗畀你，唔會再點幫手執房」，就如鄭先生床板破裂，過了兩個月，業主才用櫈攝在床下底了事。如果再將劏房改裝，符合「簡樸房」規格，一定會再調高價格，基層難以負擔。

他指出，鄭先生住的是大約30呎的「板間房」，租金$3000至$4000不等。還有些更細的「棺材房」，僅18呎，放張床就沒空間了，但月租也最少要$2000。如果像「簡樸房」80呎那樣大，市價隨時要$6000至$7000，遠超租金津貼。Spencer覺得，如果居所做到簡樸房的要求，其實不錯，只是劏房本來不是給一戶人住，要求間間有窗並不可能。

Spencer坦言，取締劣質劏房是幾年後的事，對很多街坊來說也很遙遠，比起交下個月租，還不算埋身。但可以預料，他們也因此不會有太多搬遷的預備。但他疑問：政府是否應該在取締前，做好安置的措施？「唔通到時由得佢地跌落街安置？政府唔敢咁講啩。」

文：Jon

（相片由基督教關懷無家者協會提供）

「伸縮」的生存之道——與惡劣居所影像及街坊對話
主辦：基督教關懷無家者協會
日期：11.9 及 11.16 (六）4-7pm；11.10 及 11.17 (日）10am-1pm
地點：深水埗大南街186號「有家」