流散者們：教會痛點：成功

▌效率至上嘅盲點：無內涵

香港基督教好強調教會增長同事工果效——會友人數、福音對象數目、奉獻金額等等，成為咗教會嘅指標，好似愈多愈好。但其實同屬靈生命並唔係線性關係。雖然內在靈性同外顯事奉唔係對立，但有時因為輕前者 重後者，搞到本末倒置，變咗為做而做。

▌專業基督徒形象：虛偽

有唔少教會、基督徒都會有啲「形象管理」。譬如有座堂嘅通常係社區有標誌性作用；中產基督徒多數分享生活上嘅成功見證。但如果底蘊唔係咁，一切只係刻意營造出信耶穌好好、基督徒好正嘅形象的話，最終都被發現係假嘅，帶嚟更多反見證。

▌奴性與成功神學：自欺

香港人奴性好重，基督徒都係，只係範疇由事業變咗信仰。例如「事奉狂」透過不斷付出去換取祝福，另一個極端係成功神學，即係為自己想要嘅嘢，放大信心去禱告，信心夠神就會成就。唔係話殷勤同埋祈求唔啱，但恩典無得賺返嚟，係神嘅禮物。去到某啲位小心呃咗自己。