胡清心：那貼滿告示的容器
昨日進入將臨期，喺屋企看live崇拜的時候，突然想起Netflix下架不久的Friends中有一集，就是有一年聖誕前夕Phoebe做類似「親善大使」的義工，就係拎一個捐款bucket，去到啲百貨公司出面，用鈴鐺呼籲路人有啲「聖誕精神」──喺呢個佳節，為窮人捐啲錢。
原本呢個傳統，係為著要散播基督精神：愛、快樂、幸福、分享、無私等等，which就係Christmas spirit，所以Phoebe先咁踴躍報名同埋充滿期待。
點知，個bucket收到嘅，除了善捐，更加多的是：垃圾、煙頭、尿液⋯⋯甚至有人仲厚面皮從bucket入邊拿走啲錢，激到Phoebe發癲：點解啲人咁冇Christmas spirit？
最尾，為了匡正the true meaning of Christmas spirit，Phoebe就係個bucket上上下下左左右右掛滿告示，寫明呢度唔係垃圾桶、煙灰缸 etc etc，更親自監察，趕走啲有「前科」甚至只是「嫌疑」來「搞搞震」嘅路人。
但係咁樣一搞，雖然「搞事份子」被關在門外，但仲有人會願意接近呢度咩？
Pheobe係整個Friends入面，應該係我最嚮往最鍾意，最真實坦率，最唔「道德撚」的一個，但係原來，佢都有「道德撚」嘅一面。
但耶穌來，就係為了接納罪人，佢來到呢個世界上面，就係為了讓人向他這個容器中，扔進垃圾、煙頭、尿液，甚至從他身上去支取⋯⋯所有這些與他的美善並不相稱的行為。
我哋嘅教會是否應該好似呢個bucket，效仿耶穌一般，接納擁抱一切呢？但事實上，更多時候的教會，像是Phoebe的那個bucket，看上去open to all，但實則有許多條款與限制，更糟糕的是，相比Phoebe光明正大地把這些條款寫在明處，往往當人們進入教會之後，才發現那份terms & conditions的聲明。
（原載於作者FB，題為編者所擬）
