年輕人點睇港九培靈研經會？
今年好似少左人討論港九培靈研經會，唔知係米小編錯覺，所以都係網上做左個小小統計，原來都幾多人係想聽但唔得閒，而有去聽嘅人其實都佔唔少。
小編就邀請左兩個年輕人講下佢地對港九培靈研經會嘅睇法，一個係高小就開始年年參加、宜家year 1嘅Samuel
Q：你對今年培靈會有咩觀察？
S：今年繼續聽港九培靈研經會多謝朋友攞左本研集本比我make notes發現經文之間嘅interconnection、講員咁樣解經、啲切入點，真係好有趣～
不過，我覺得身邊嘅人都好似比較少聽港九培靈研經會，我教會同齡嘅好似得我一個有聽我諗原因都有幾個：
可能佢地會覺得信息沉悶（但有興趣嘅人會覺得好精彩，我就覺得精彩）；
培靈會唱《培靈詩選》就未必係年輕人聽開嘅詩歌（我前幾日忽發奇想：如果出現啲流行詩歌會變成點）；
有啲人會覺得平時教會都聽道啦，同埋佢地都唔識培靈會啲講員（但我覺得培靈會嘅信息係有質素啲嘅～）
宜家係大學事奉，我會諗：「如果大家覺得港九培靈研經會係好嘢，其實可以為大學生tailor made一個，佢地習慣左之後，大家可以同其他年齡層連結去join同一個。」
另一個係初中開始聽但大學就冇乜聽、宜家25歲嘅Martin
Q：你點解唔聽港九培靈研經會？有冇咩comment？
M：自從有年有個講員講以西結，都唔知佢up乜野，果下就覺得，其實港九培靈研經會都係一個平台姐，都係不外如是，老實講去聽緊係想聽啲一流嘅講道啦！
不過，今年有李思敬同鮑維均都想聽下（雖然我只係聽左李思敬第一講）
其實研經會係米一定要請尼類大牧者去分享？可唔可以唔好咁圍威喂，好似永遠都係果班人。啲講員隔左幾年又翻炒，即係反映佢地賣座率高，成件事好收視主導囉。
2014之後仲夠唔夠膽請陳恩明，「炒黎炒去都係果啲」，點解永遠都輪唔到某啲人去講？
「佢冇隨著時代改變，啱尼種口味嘅觀眾只會愈黎愈少。」我覺得佢啲信息都唔係針對青年人，所以我都唔會推介比教會嘅青年人聽。
Q：唔搞培靈會，青年人點培靈呀？
M：我覺得，道唔單止係講員對道充足嘅準備，更需要開放嘅討論，讓果篇道同信徒嘅處境結合。
真係令青年人入心、明白，我覺得查經分享對佢地嘅得著會更大。唔係話講道唔得，而係講員未必了解台下嘅人需要乜。
我唔係反對青年人去港九，佢地去完翻黎有討論，我都好開心。但我唔會係小組group share，講到件事好緊要，話尼啲係屬靈表現，因為係冇保證嫁喎。
文：KOC
