夏志誠談犯罪與寬恕

你有無做錯過一啲事，好遺憾，但又無得返轉頭？天主教嘅夏志誠主教近日在YouTube講道中分享探監嘅經歷，話有個一齊探監的弟兄問，監獄入面大部分的人都犯咗罪，應該承受責任喎，點解仲要寬恕？佢諗起《約翰福音》第8章嗰個被「捉姦在床」嘅女人，以及放佢一條生路嘅耶穌，指出姦淫係「明顯」嘅罪行，但圍住耶穌嗰班人，卻收埋咗更「隱藏」嘅惡念。

▍ 咁大個人應該自己負責任？

按當時摩西的律法，犯姦淫就要判死罪，既然證據確鑿、捉姦在床，點解耶穌仲要放呢個女人一條生路？「咁大個人做錯嘢，要承擔㗎嘛」。可是，夏志誠認為，要睇清楚整個局面，再做判斷。「犯姦淫係兩個人，咁個男人呢？去咗邊？同埋，捉到人犯姦淫，咪用石頭掟死佢囉，點解要拎去耶穌面前，睇吓佢點答？」夏志誠認為，這是設局陷害耶穌，被《約翰福音》形容為「試探」，也是比起明顯的姦淫罪行，更為隱藏的惡念。

回到探監，夏志誠指出，除了小部分因為審訊不公平而下獄的人，大部分獄中人都犯下社會的罪行，而我們雖然沒犯這些罪，但就信仰而言都是罪人，被綑綁、不自由。

▍ 靜落嚟，做少咗嘢，但可能做啱嘢

回到福音書，面對洶湧群眾，耶穌跪在地上用指頭寫字，反問有誰沒犯過罪，圍觀人由老及嫩一個一個離開。夏志誠認為，這很有意思，提醒我們不要被情緒控制，因為有時做決定太快，但如果給自己、別人空間靜下來，就會發現自己都有做錯。「做少咗嘢，但可能做啱嘢」。

▍ 上帝相信你有能力改變

當現場剩下耶穌同婦人，耶穌跟她說「我都唔定你的罪，去啦！唔好再犯喇。」夏志誠認為，「不定罪」即是承認她有罪，不過沒有立即說出來，不劃線、不立即埋單。「去啦！」更是讓她離開惡習、毛病，可以自由。「離開」不是繼續犯罪，而是「需要做啲嘢」。

夏志誠又指，我們很多時候受過去綑綁：「係囉，我就係咁嘅人」、「我家庭背景係咁，成長好多欠缺」這些都可能是真的，但他提醒，只是「被影響」，而不是「被決定」——何況有耶穌跟你說「從今以後，唔好再犯喇」，陪著你、相信你有能力呢。

文：Jon