國際蝙蝠感謝日 提醒人蝙蝠對生態及農業之重要

除咗睇《蝙蝠俠》，你有無見過真正的蝙蝠？原來今日係「國際蝙蝠感謝日」(International Bat Appreciation Day)，係Bat Conservation International設立，為咗同大家講，其實好少蝙蝠吸血、傳播疾病，更多係食果實、食蚊，而且成日清潔身體，好乾淨。惟全球有不同危險威脅蝙蝠生存，例如風力發電站，就誤殺了不少蝙蝠。

就似海豚、鯨魚唔係魚而係海洋哺乳類，蝙蝠雖然識飛，但都係哺乳動物，而且同豚鯨一樣用聲波溝通，聽覺靈敏。即使是黑夜，牠們仍能辨物，以至能在夜晚飛行。根據台灣媒體《小傳媒》的整合，世界已知的蝙蝠物種至少有1200，70%是食蟲的，食蚊的蝙蝠每小時更能吃掉上千隻，維持農業的「害蟲」數目不至過多。又有不少品種的蝙蝠跟蝶蜂一樣傳播花粉，食果實的蝙蝠又會散播果籽，對植物繁殖也很重要。

原來香港都有唔少品種的蝙蝠！最近香港蝙蝠資訊站在網站發表了蝙蝠圖鑑，不但詳細描寫25種香港蝙蝠的身體特徵、生態習性，更在地圖標出牠們出沒的位置。其中許多都頗稀有，但有些很常見，像短吻果蝠，但在中國牠已經是「近危」，雖然全球而言牠是「無危」。

@hkbatradar