想做但未做到的新年願望

每一年開始，大家都會諗一啲新年願望。前幾日《低聲道》出咗story，問大家有無一啲一直想做，但又做唔到的新年願望，同埋一啲成功做到的願望。收到的回應入面，做唔到的似乎比做到的更多。

「出pool」既有讀者做到，又有讀者想做但做唔到，有人歡喜有人愁，但有伴侶的也有煩惱，單身也有自在的時刻。另一位讀者話「放低唔到唔開心的事」，可能學習放低先最緊要呢…加油！

至於其他達成唔到的新年願望，有幾類：

1. 生活習慣類：戒唔到粗口，早睡早起唔到，或者減唔到肥。

2. 與靈命有關：做唔到每日靈修，每日讀經。

3. 同錢銀有關：儲唔到錢，買唔到樓。

4. 個人心願類：有讀者出唔到自己畫集（有另一位讀者就成功完成碩士學位）

新一年開始咗幾日，你對今年有咩期望呢？會唔會重新檢視下自己曾經想做但未做到的事？