葉思雅：困難的時候，要記得你唔係孤單

好多人都以為「情緒困擾」，就係一個人睇唔睇得開。但其實情緒本身係有好大嘅威力，有啲情緒可以帶你向生，創造美好；有啲情緒可以令你深陷黑暗，要花盡力氣才可重見光明。

香港有好多人，未有足夠力量和受傷情緒共處。活喺一個充滿壓抑和競爭的環境中，唔知點樣先可以打得開自己，相信別人，同身邊人建立療癒自己的關係。

精神健康的培育，不只係食唔食藥嘅問題，而係有沒有意識去認識自己、轉化受傷情緒、建立親厚的關係及尋索生命意義的過程。

面對有人輕生，當然深感難過。但亦要藉著不幸事件，讓我哋一齊去反思，我哋嘅社會需要什麼，我們的人生需要什麼。同時，我哋可以更加留意身邊人和自己的情感，學習聆聽他人感受，建立人際關係的安全網。

困難的時候，要記得你唔係孤單，尋求幫助並非懦弱，而係勇氣的選擇。

願生命得到安息。願受傷的人得到安慰。

（原載於香港中華基督教青年會輔導組專頁，作者為該組主管。題為編者所擬。）