聞說Carousell咩都有得賣，翻查網上熱帖，發現Carousell曾有人標價$1出售「教訓」，並解釋「如果想買個教訓就比一蚊我」，亦有人在平台上出售自家「名畫」，更有人以$100出售「AnsonLo簽名（非親筆）」。雖然膠味甚濃，不過也某程度反映社會背後的瘋狂。

有見及此，在好奇心作祟下，我也去找找Carousell出售的「教會嘢」，果然比我發現到不少好東西！

包括︰
【人人都可做牧師類】
基督教「教父」cosplay服裝，一套$80。（圖2）

【唔洗用手寫字類】
「個人祈禱」及「為___祈禱」印章，一個$15、兩個$30，現優惠價兩個$20。（圖3）

【歷史文物類】
1955年中華基督教會合一堂信封，叫價800元。（圖4）

【黑人問號類】
1993年中華基督教會公理堂110周年紀念杯「換領票」，杯子當年$10一隻，現可以通漲價$130購入「換領票」乙張！（圖5）

【疑似公理堂會友類】
多份中華基督教會公理堂90年代的崇拜週刊，當中更包括追思禮拜場刊，價值$150至$220不等，視乎新舊。（圖6）

不過，Carousell也有不少「正路」的教會產品出售，部份有心人亦以低價出售實用的釋經書，也有一些經典的信仰書籍免費分享。我亦從觀察中發現，林以諾牧師的棟篤笑、佈道會DVD亦佔「教會嘢」不少比重，當中許多影碟都以極新或全新出售，相信林牧師對當年教會、社會的文化影響甚廣，但也有理由懷疑出現滯銷的情況。

其實在Carousell入面，有不少教會產品都略有年代感，令人感覺教會與時代脫節，這或許是教會的真實影子，但也許是教會文化早已脫離固定的符號，所以輸入「教會」、「牧師」、「基督教」等關鍵詞時已找不到新潮的東西，你又覺得係點呢？在線等。

文︰CJ