疫苗通行證降至五歲

政府進一步擴大疫苗通行證涵蓋範圍，9月30日開始，未打針嘅5歲或以上小朋友，都唔可以進入表列處所，包括教會。

傳道人 @pastor_bensoncf 喺佢IG形容，做法直接影響堂會既兒童主日學，就算堂會「人在江湖身不由己」要拒絕一班細路入教會，但佢覺得「至少唔好幫手谷」，提醒堂會「上主睇實教會在地上既每一個反應與行動，諗清楚自己做緊乜。」

資深兒童牧者陳芝瑛教師接受《時代論壇》訪問時就話，教會應該為少數返唔到教會嘅兒童提供網上直播，家長都應該舉行家庭崇拜或者陪子女網上崇拜。佢認為，如果小朋友想返教會親近神，父母同教會必須要尊重他們的意願，並且提出協助方法，而唔應該只保護佢哋嘅身體健康，而忽略咗佢哋嘅靈性健康。

文：LH