張敬軒之前係演唱會尾場，講咗段同信仰有關嘅分享，引起教內唔少信徒教牧嘅關注。

流散者們 @galut_hk 喺FB分享咗張敬軒話自己每日祈禱求被主使用嘅post，然後問大家仲會唔會咁祈禱，佢話：「毋須站在舞台，堅守崗位就可。」最後仲hashtag #真基督徒軒公也 #對神對己對人都夠真

馬嘉偉 @renmkw 就首先講起，唔少人對張敬軒基督徒身份嘅質疑，例如指佢同性戀、住鬼屋、講前世今生，但Ren Ma引用羅馬書‬ ‭3:23-24‬ ‭，指出只要信靠耶穌就得到救贖，「張敬軒是基督徒是不用任何條件的，任何人想信耶穌也是沒有任何條件的」。

傳道人 @pastor_bensoncf 尋日就喺IG story分享左一個「王菀之台上讀信整喊張敬軒 承諾下世大家一定會再見」嘅post，話再思基督教神學，問人究竟有無「下一世」，仲加左句「嗚⋯咩叫下一世？」

玻璃海樂團負責人方文聰傳道都有分享有關張敬軒嘅post，話自己聽到張敬軒歸榮耀俾天父之後，感動到癲咗，「因為佢唔單止用把口，佢仲行咗出嚟」。方文聰仲見到，張敬軒邀請每個嘉賓都充滿着愛與情，敬佩張敬軒對人真摯嘅情感。

崇基神學院助理教授葉漢浩博士post左張敬軒同幾位嘉賓嘅相，讚佢用心寫同唱歌、有情義、比人感覺好真，更讚佢提攜後輩，用心咁介紹每位嘉賓，話「這種愛鄰的心態，我在教會亦不常見」。葉漢浩仲提醒果啲已有一點名氣的人，應盡量比機會提攜剛出道或剛發展的人或事工。

唔知你又有冇野想同軒公講呢？

@hinscheung