張敬軒：希望天父使用我作流通的管子
「The Next 20」張敬軒演唱會終於喺尋晚落幕，同一般演唱會唔同，張敬軒以詩歌〈遇見神〉為演唱會劃上句號。佢話，不論大家有咩宗教，希望送呢首歌畀大家，祝福到大家。
張敬軒喺唱〈遇見神〉之前分享，自己籌備26場演唱會期間，每日下晝四點幾返到紅館，以其中一個VIP房「化作自己的小chapel」，喺果度祈禱。「每天向神祈求，希望天父大大使用，使用我作流通的管子，作光作鹽，台上每句說話，唱的每首歌，都可以為城巿的人帶來安慰和鼓勵。」佢最後將呢26晚，所有掌聲、歡呼聲、讚美同榮耀歸給天父。
尋晚嘅嘉賓亦有基督徒藝人王菀之，佢寫左封信畀張敬軒，入面鼓勵追尋夢想嘅張敬軒同自己，彼此都要繼續努力。佢指「有時好困難，但冇諗過會放棄，因為放棄咗就會成定局，但唔放棄一路行落去仲有希望」。
最後，佢感謝天父賜畀我哋呢位光芒唔喺頭上嘅皇冠，而係心裡面發出嚟照亮好多人嘅張敬軒。
@hinscheung
（圖：The Show Must Go On片段截圖）
