之前KKplus事件，唔少人用「童年陰影」四隻字，就概括咗果位小朋友嘅經歷，其實童年陰影又係啲咩呢？

小編邀請咗兒幼及家長牧者、浸神信徒神學教育部兼任講師陳芝瑛同大家分享，佢嘗試從5歲小朋友嘅角度睇今次事件：有巨物在眼前跌落和產生巨響；未必明白來龍去脈，只知公仔損壞與自己有關；從父母或周圍人的反應和眼神，覺得自己闖咗禍。

小朋友嘅爸爸之前接受訪問話，兒子事後多次指公仔好恐怖。陳芝瑛話小朋友未必能夠透過語言準確咁表達情感，話公仔恐怖，同時可能指整件事對他來說好恐怖。另外，小朋友由事發後到搭車回家，整個人都呆咗，陳芝瑛表示，他可能仍然被困在恐懼的感受之中。

要點樣先可以走出童年陰影呢？陳芝瑛建議，認識事實，走出恐懼；透過見輔導，讓人意識到自己不為意的陰影；表達對焦慮產生的疑問，並交託給耶穌。「其實每個人都有啲童年陰影，沒有人的成長是風平浪靜。⋯⋯童年陰影所帶來的影響，則視乎人的意志、自制和理性，但外面看不出問題，不代表心裡沒有。」

文：KOC