唔知大家生日最想收到咩生日蛋糕？

基督徒藝人許志安之前55歲生日，就收到一個聖經造型嘅蛋糕。
佢仲post左個story紀錄切蛋糕嘅過程，聽到佢太太鄭秀文話：「好過制，好有皮嘅質感，好正！」

唔知大家又想唔想收到同樣嘅蛋糕呢？
原來聖經入面都有人話自己食經卷，仲話好甜～
果個就係以西結啦！

以西結書3:1-3
//他對我說：「人子啊，要吃你所得的，要吃這書卷，好去對以色列家講說。」於是我開口，他就使我吃這書卷，又對我說：「人子啊，要吃我所賜給你的這書卷，充滿你的肚腹。」我就吃了，口中覺得其甜如蜜。//

最後介紹多一本書比大家：《聖經好好吃》
入面介紹左各式各樣「吃」聖經嘅方法：吃完聖經後的「胃痛」處理法、專講「咀嚼與吞嚥」的禱讀法⋯⋯
大家一齊去研究下聖經有幾好食啦！

文：KOC