近日，資深牧者、教過神學院、早年曾任《突破》雜誌編輯嘅羅錫為牧師喺佢FB專頁「教會這江湖復刻版」寫咗篇〈收生不足——香港的神學院有明天嗎？〉文章，講出教會同神學院老化背後嘅問題，有唔少人都share同討論啊~

羅牧師喺篇文度，講咗其實一切係一個惡性循環黎：
青年人少-->較少青年人獻身入神學院-->較少青年牧者-->教會無生氣-->加劇老化

佢更加話，教會領袖唔應該怪新一代無事奉心志，佢地唔係無心志，係另有心志，但教會唔明。建制教會自己圍爐取暖、妥協求存，有志青年亦都無興趣。結果，有抱負的青年就出走，唔再返教會喇。即使有青年願意留守，但教會願意保薦佢地去讀神學嗎？畢業後會請佢地牧會嗎？教會容得下批判社會和教會嘅「先知」嗎？讀完神學返到教會，佢地大概會覺得無用武之地。

另一方面，佢又話，神學師老師係咪青年人心中既「屬靈楷模」，會令人想學習？

有人留言，覺得羅牧師真係說出了重點來。有一位事奉咗好多年嘅汪博士話，香港真係要傾下神學教育嘅前景，希望上帝嘅路不再被掩蓋。有多年聖樂事奉經驗、但其實都幾後生的梁博士就話，教會事奉係講忠心，年輕人發聲不是一切啊，佢覺得教會整體都仲好有活力，始終每個專業都要年月累積經驗既。網絡作者馬斯特就回應，佢深刻體會教會管理中老年的聲音才是一切喎。

你又點睇呢個課題呢？香港嘅教會同神學院有明天嗎？

文：IC