DSE今日放榜，來自培正中學嘅超級狀元焦采溢話自己除咗操卷無咩讀書祕訣，而信仰就係佢嘅力量來源。本身有參與學校敬拜隊嘅佢，話減壓方法就係唱歌，仲向記者唱咗首詩歌〈避難所〉。

焦采溢話自己嘅祕訣就係祈禱同倚靠神，study leave期間佢星期一至六努力溫書，但星期日就都一定會休息返教會。佢話從無諗過會做到超級狀元，一切都有賴神嘅幫助，神給予佢嘅嘢，超乎佢所想所求。

大學諗住讀醫科，焦采溢話係因為生物堂解剖青蛙，揭開層皮見到裡面啲心肺好靚。佢認為醫生係偉大嘅職業，而佢最佩服的醫生就係耶穌，耶穌醫治嘅唔係人嘅身體，仲包括心靈。

文：LH

培正中學嘅超級狀元焦采溢今日受訪時唱出 @rawharmonyhk 嘅〈避難所〉，小編收到一段佢學校老師拍嘅片🙌🏻
唔知大家覺得佢唱成點呢？

//藏我在祢的翅膀下
就在那裡 祢用慈聲對我說話
白日太陽必不傷我
夜裏月亮也不害我
此刻 只有耶穌 作我的保障//
——原始和聲〈避難所〉