DSE狀元唱詩減壓

另一位DSE超級狀元、迦密中學嘅曾志鵬都喺接受訪問時唱詩歌，佢唱咗兩句〈愛是不保留〉：「常聽說世界愛沒長久，哪裡會有愛無盡頭。」佢話唱歌算係佢嘅專長，另外都好鍾意做數，呢兩樣嘢令佢有成就感同開心。

曾志鵬話，study leave期間要喺屋企溫習，不時同朋友開cam一齊溫，期間又有家人打氣、教會弟兄姊妹送上關心，有呢啲情感嘅支援令佢備戰更好。他本身係教會詩班成員，平時都會唱詩歌減壓。

對於成為超級狀元，曾志鵬覺得非常不可置信，無預料過自己有咁好成績。尤其佢備戰期間一度確診，令學習狀態好低迷，覺得自己對疫症無能為力，無辦法掌控到自己身體狀況，雖然唔算太嚴重但都有啲攰，都係不斷休息同祈禱，令自己逐漸回復返。

文：LH