上星期六嘅The Horn Music Award，唔少台上嘅感言都令人相當感動，更加令人感覺到基督教音樂同呢個時代係息息相關。

@kingsandpriestsmusic 嘅Noah鼓勵更多音樂人放膽在上帝面前創作，在上帝面前無文字獄，盼望有更多信仰群體及詩歌能為受壓的人發聲。

@rawharmonyhk 嘅Matthew話佢地會繼續創作，因為好想畀大家知係呢個時代，無論幾黑暗的日子、無論你個心有幾唔開心，都有個channel可以聽佢地嘅歌，可以親近神、聽到佢同你講說話。

@milkandhoneyworship 都回應原始和聲嘅感言：「我哋想同所有基督徒一齊……贏！面對黑暗勢力，我哋一齊……贏！」

@happynewschurch 禧訊教會嘅Aaron就話，廣東話敬拜歌比較少，母語敬拜是非常重要的，當中釋放的力量相當大，希望香港信徒能有更多母語作品。

當晚負責頒獎的 @sogworship 玻璃海樂團團長Gabby提到，過去幾年有唔少音樂團隊興起，亦有很多不同類型的敬拜歌曲，但只在YouTube上百花齊放，盼望日後在教會內也能看到。文聰就期望教內音樂人可發揮創意，填詞方面，可以唔只用「頌讚、跪拜、導引、導航」呢d詞彙，可以有更貼地、寫實的創作，例如描寫神的愛，可像歌手Gareth Tong〈勁浪漫 超溫馨〉提到的「提子乾兩份搣」；描述神的公義，可叫惡人「小心地滑」（歌手張天賦的歌）。

成個頒獎禮都呈現本土基督徒音樂嘅力量，如果未睇，快d趁weekend睇下重溫啦~

重溫link：https://youtu.be/3HkwYVcDmlY

@hypersoniclab

（整理自時代論壇報道）