雖然今個暑假好短，但唔少同學已經準備緊開學嘅野，例如買書。

唔知有冇讀天主教學校嘅同學仔買唔到聖經？

話說幫思高聖經學會印聖經嘅內地印刷廠停止合作，學會擔心未能找到適合印刷廠承印，會導致天主教中文聖經缺貨。

8月5號天主教《公教報》報道，公教進行社話，收到唔少學校電話查詢，想訂購聖經。不過，公教進行宜家嘅門巿已經冇曬《思高聖經》。

另外，天主教書店塔冷通心靈書舍宜家有大約30本《思高聖經》存貨。店長楊孝明講到，紙嘅成本貴咗好多，尤其係印聖經嘅薄紙；而隨住時代轉變，教友已開始慣左用網上電子聖經。

唔知大家有冇諗過聖經都可能有缺貨嘅一日？你覺得電子聖經取唔取代到實體聖經？

文：KOC