卵巢癌四期患者 以苦難作見證

苦難是怎樣一回事？如果你或家人朋友患上重病，你又會怎樣面對？四年前確診患有卵巢癌的葉頴瑜Ivy，經歷化療、腫瘤切除手術後，癌細胞曾一度穩定。但短短4個月後，她體內癌細胞再次擴散。至今處於卵巢癌四期的Ivy分享患病期間仍然感受到主的平安，積極地將苦難變作祝福。

▍ 確診四年 「天父真係睇住我」

小時候讀天主教幼稚園的Ivy早已認識耶穌，雖然未有穩定的教會生活，但一直受不同朋友的邀請，到教會參與聚會。一直相信耶穌的她在一次教會活動中被詩歌感動。「我覺得我都做咗咁耐『part-time基督徒』......我就同自己講，我真係要做返一個『full-time基督徒』啦，我好想經歷佢。」受浸後，Ivy經常問神：「我可以點樣為祢做得更多？我點樣可以為祢做見證？」她一直沒有頭緒，直至患上卵巢癌。

「我生命入面一直都冇啲咩特別嘅嘢，我心諗：唔通呢次就係？呢個病讓我可以企出嚟，為祢做平安嘅見證？」Ivy憶述，確診患上卵巢癌時，身邊的家人和朋友也十分緊張，但她自己從確診到現在都沒有十分傷心，「我覺得天父真係睇住我，我最大嘅得著係嗰份平安，仍然可以喜樂。」

▍ 與苦難共處仍然感恩喜樂

經歷第一次確診、化療、手術、成為康復者，4個月後再被診斷癌症復發，重新經歷漫長的化療過程。抗癌至今已經四年，Ivy坦言得知癌症復發曾讓她感到氣餒。而治療期間也有難過的時候，肚瀉、腹痛、食慾不振、反胃、無力等藥物副作用不時出現。

「但係苦難對於好多人嚟講都有唔同嘅題目，我可能係身體上嘅病......可能係我相信（神），我知道點解會喺苦難當中，神令我覺得呢條路係容易行嘅，我願意去順服。」Ivy分享她曾經參加教會《約伯記》的查經課程，約伯的故事令她覺得神相信約伯有能力去抵抗撒旦的攻擊，用生命做見證。

「如果神想我喺呢個挫折當中祝福到其他人，佢又睇得起我，覺得我捱得到嘅時候，我咪跟住佢做囉。」雖然治療辛苦，康復的路漫長，身體的情況未見好轉，但Ivy相信上帝在她生命上的計劃，希望把苦難的經歷化為祝福。

Ivy近日在Breathing Room舉行個人藝術展覽《Life is beautiful．恩典之路》，展出她的素描、油畫及陶瓷作品。包括患癌前的素描小品、患癌後加入香港癌症基金會藝術治療小組的作品及等待化療時的素描等。

文：Betsy

【Life is beautiful．恩典之路】Ivy Ip葉頴瑜個人作品展

日期：即日至4月21日

時間：1-8pm

地點：Breathing Room 灣仔軒尼詩道99號彰顯大廈30樓