民主黨昨晚宣佈啟動解散程序，創黨成員李華明指自己曾直接與共產黨不同部門機構接觸，收到對方提示，他指將沉重、無奈地投票支持解散。前主席劉慧卿稱此為「天下奇案」，對消息感錯愕。

李華明今早於商台節目透露，曾直接跟共產黨不同部門機構接觸，問及「12月立法會選舉民主黨還可以提名嗎？」「佢好簡單答：『仲捱到12月咩你哋？』……俗啲講，即係：『收皮啦你哋』」。他於是跟主席羅健熙討論，得悉也有中間人向一些民主黨員同樣傳達直接信息指：「你哋都係摺埋好」。

李華明說解散令他心傷，但是「無可奈何」，「時代、時勢去到咁嘅階段……錢又無，點做落去，呢個政黨點run呢？」他指民主黨無法籌款，有5、6次訂地方進行晚宴都訂不到，「慢慢都會陰乾，無錢」。對於今日局面，他感到「冇計，無話可說」。

主持問及一個合法註冊機構，無故怎能逼你「摺埋」？李華明指，去年底民主黨中委選舉，參選者也受到一些騷擾，猜測指「要搞我哋，點會搞唔到？」他又說不想年輕中委再受到牽連。他認為，民主黨員多年來曾立法會中推動多項改革、法例修訂，民主黨已發揮了光芒、盡了責任，到今日已無辦法，有心而無力。

劉慧卿於同一節目指對民主黨擬解散感錯愕，「如果冇心機、冇錢，12月就唔好選（中委）吖嘛，咩事啊？呢個係咪天下奇案吖？」她指事情「發生得太急」，希望知道更多，現時不太想支持解散，但強調要看形勢，她又問：「一國兩制指標去咗邊？不同聲音係咪窮途末路？」

文：Ian