7月1日祈禱會 王美鳳牧師：盼望要活出來

今日係7月1日，有班基督徒搞咗個祈禱會，講青年、難民同囚友嘅牧養，仲講盼望係乜嘢。王美鳳牧師就形容盼望唔係「講出嚟」而係「活出嚟」嘅，用同難民嘅相處為例，指出面對困難，更需要堅持同埋群體嘅同行。

慈幼會嘅張心銳神父提到該會嘅目標係「愛青年人」，但疫後年輕人面對嘅生活環境和政治氣候轉變，融入團體生活更加困難，作為牧者都需要調整心態。

九龍佑寧堂嘅王美鳳牧師就分享佢哋牧養難民嘅事工，話唔少難民面對困難仲不屈不撓行落去，而今天香港都「輸出尋求庇護嘅人」，認為服侍來港難民，就好似對離開香港嘅人嘅關懷同祝福。

基督教更新會義工宋礎安老師就分享，佢面對唔少五年前因暴動罪或非法集結罪入獄嘅囚友，會向佢哋宣講唔好忘記歷史、學習寬恕、上帝與佢哋同在、大家係罪人都係被罪者、上帝係愛同公義等信息。

被主持潘正行牧師問到喺今日香港點睇「盼望」，王牧師就話盼望「你話有就有，你話無就無」，認為盼望「唔係講出嚟嘅，而係活出嚟嘅。」佢再舉與難民的相處做例子，話係堅毅令佢地能夠繼續生存，「如果唔堅持嘅話，佢哋已經死咗」，他們面對困難仍然堅持，有群體同行也是重要的，「即使一個人很灰，也有人搭下膊頭、飲杯啤酒。」

張神父都話，而家係好艱難嘅時間，但正正喺困難中，我哋更需要互相傾訴同支持。

至於點嘅行動先能夠帶來盼望，王牧師認為大家在這個日子出來祈禱，以具體行動為香港守望，就係一個例子，呢個都係過往7月1號祈禱會同埋聚集嘅精神。佢話今天祈禱會無法在街上舉辦，團體就喺室內舉辦。

祈禱會叫做「與香港同行：『在地的福音』分享及祈禱會」，由天主教香港教區全人發展委員會、香港基督徒學會，以及普世合一社會牧職暑期實習計劃舉辦，喺九龍佑寧堂舉行，大約有130人參與。

文：LikHang