當你睇YOUTUBE時，有時都可能寧願睇「食買玩」……

不少香港人曾經每日追新聞、睇直播，今天卻在IG碌過也不想細看。俄烏戰爭、以巴衝突曾經全球注目，也隨著曠日持久漸離公眾視線。非洲索馬里蘭的天災人禍，所受的關注更微不足道，早前曾探訪索馬里蘭的RubberBand成員6號坦言，平時有時也寧可看「食買玩」資訊，但也要堅持不要讓自己懶，即使疲倦也不要麻木，因為認識世界是生而為人的基本。

「其實係好難，會好累㗎。我哋都係人，過去幾年香港都好多事發生。」6號坦言，自己上網睇Youtube，見到一個「食買玩」的資訊如「西灣河美食好去處」，一個是俄烏戰爭的更新，也可能寧願看「食買玩」的。「有啲人覺得我消化唔嚟，有啲人覺得人生苦短，我『食買玩』就算。」對於這種想法，6號也體諒和明白，他自己也正在經歷，但正正有機會再訪非洲，遇到的人和事提醒他「唔好畀自己懶，明知攰、明知難哽嘅，都試下去睇。」

同行的阿偉也直言，俄烏戰爭只是發生了兩年左右的事，現在已經很少人會關注，「現實就係咁，世界有好多唔好嘅事同時發生緊，其實好難每一日都去關注所有嘅事，加上本身我哋嘅城市，都有好多自身嘅問題需要去關注。但我覺得有啲嘢唔好麻木，唔好麻木到覺得個世界係咁。個世畀唔應該係咁！」他認為，每個人的處境和能力不同，但只要願意抽一點時間去關心，或者如果能力大一點，可以抽一點資源去支持，已經可以，最重要是不要麻木。

「來吧 攤開雙臂接駁百萬里／無論誰 摔倒伸我手給你拉起／誰又看輕 這細細希冀／一天終可見 來讓愛 燃起」在今日香港的社會氛圍下，RubberBand十年前訪非洲津巴布韋後寫的歌《We are one》中的豪情壯語，在十年後要實踐也並不容易，而當中的第一步，也許就是在輕鬆的「食買玩」，與那些沉重卻重要的資訊之間的苦苦掙扎。

文：LH