點解職青咁辛苦？

點解職青咁辛苦？宣道會北角堂的職青Kawa就分享，團契中約一半人都一邊上班一邊進修，「特別可能對於基督徒嚟講，就係話你一至五要返工，好彩嘅你份工唔係好忙，唔好彩嘅你份工已經忙到嘔，然後放工仲要去大學上堂、讀書、做功課、考試，跟住星期六日你仲要返教會事奉，仲要平日都可能要返教會開組、門訓、查經、預查。所以其實做基督徒真係好辛苦。」

在宣道會香港區聯會的Youtube節目「青年Table Talk」中，已工作4年的Kawa分享，自己中學讀理科，大學讀商科，出來做教育，之後轉行做輔導，之所以不斷進修，是因為決心轉行，所以要讀一個學位以投身另一專業。她身邊也有朋友分享，是為了滿足上司對他進修的要求，所以重返校園，「所以結果大家就讀書、返教會、工作，仲有家庭，如果你結埋婚、生埋仔，其實都係要做完呢一堆嘢，所以香港人真係好辛苦。」

曾經「瘋狂轉行」，Kawa曾被上司評為「佢見過生涯規劃最差嘅人」，但她直言至今沒有一刻是後悔的，因為每次的選擇，都有當時的原因，如果不是讀商科，也不會明白原來自己如此討厭那行業，令她發掘到自己更想讀的是甚麼，所以不能因為結果而覺得中途那些選擇是錯的。

她相信神的預備，過去所讀所做，也裝備了她一些技能，而她也發現每份工作都是做兩年就「頂唔順」，「做咗某段時間，你開始覺得你喺嗰份工作嘅使命已經差唔多喇，你已經搵到你更加想去發展嘅嘢。」Kawa現在想，若果用自己不同的技能和專業「湊湊埋埋都夠駛」的話，就可以不被限制「9至6都喺office」，而可以去做自己想做的事。

不同世代的工作觀似乎有所分別，宣道會宣愛堂蔡康怡牧師曾幫不少中年人做生涯規劃，他發現很多中年人的工作與興趣極不相符，但又不會覺得在工作中不滿足。當他問：其實你工作的目的是甚麼？大部份中年人都會覺得：「無辦法，都係賺錢。」他認為，其實他們都是不滿足的，因為發揮不到自己想發揮的，於是就會見到這些弟兄姊妹在教會裡事奉，無論怎樣邀請，他們都會很火熱地去做，「其實你做你鍾意做嘅嘢，做極你都會覺得好開心。」

文：LH