考公開試的難忘回憶

聽日就係今屆DSE主科開考的大日子了~ 講起公開試，大家有咩難忘的回憶？

之前我地出過story問大家，讀者的分享都幾刺激：有人試過考考下肚痛去咗10分鐘廁所，有人話記憶就係「三個鐘不停寫，鬥舉手加紙」。亦有人分享各科考試的經歷：考英文口試無帶筆，但醒起要寫名，就去附近商場買筆，點知遲到唔畀考……又試過都係考口試，黃昏時份考，竟然兩個考官都一齊釣魚。

有人考體育，要考引體上升，中四時一下都做唔到，到中六考試時做到三下！仲有人考會考美術科要畫靜物素描，要畫一罐雪碧有藍綠漸變色加白色細字，但佢用既係木顏色……有人醒起相信絕大部份人都有記憶的英文listening背景音樂：〈綠袖子〉。

有讀者回顧時都發現，考公開試係一個「以為自己可以，但跌倒被安慰後原地起番身，再認識自己的體驗……恩典之路」，又有人覺得考試只係好單一咁評估一個人。有人記得，當年英文合格，第一件事就係祈禱。

無論如何，考公開試都係人生一個重要的經驗。如果大家有認識今屆DSE考生，記得為佢代禱同打打氣。

亦附上考試物品checklist，大家可以提提考生。

文：IC