喺教會同弟兄姊妹一齊聚會同事奉，你會唔會留意身邊人嘅情況同心靈需要？

▍ 大學生：移民潮下教會人手不足 暫停事奉被埋怨

前幾日某大學的secret page，刊出一個患有情緒病的基督徒的投稿，內容講到教會無咩人知佢病，近來因為情緒比較波動，就以個人理由暫停團契事奉，一開始都有人關心佢，之後卻被埋怨增加了別人的workload，因為教會在移民潮下人手已經唔夠。投稿者話，本身好唔想出街見人，但都會迫自己返團契，但而家都唔想返，「覺得好似除咗事奉之外，我就冇其他價值」。

投稿者又話，覺得佢嘅非基督徒朋友比起基督徒朋友更加注意佢嘅變化、主動關心佢。以前一個比較關心佢的傳道，而家已經去左外地，而教會不斷換人，令佢唔想再同人建立關係。

▍ 傳道人：情緒病患者不需要方法 而需要聆聽

一位關注青少年精神健康的傳道人回應，感到這位投稿的朋友很孤單、不被明白和接納。當走到無力繼續下去，只有相信神隨時扶助，卻無人陪伴，助他解開困惑拋開痛悲。😭😭🫂🫂

傳道人認為，即使不談近年受社會環境帶來的牧會壓力，傳統教會多著重人數、人手和事工，卻少看弟兄姊妹為「一個人」。教牧和領袖們要視每一個人為人，而不是聚會人數、事工人手。「多去認識精神健康，與專業人士攜手幫助有需要的人。更重要是，聆聽每一個人的需要。」

「當我們看到和回應一個人有其身心社靈的需要，有需要的人自然得著陪伴、支持、擁抱。」

這位傳道人說，情緒有需要的人不是需要一些方法，「佢自己有能力去處理，但聆聽和明白佢，聽到佢嘅心聲，咁佢就可以儲多點力量去面對。」

文：IC