陳浩源成國際一級羽毛球教練 健全殘疾都有資格教
「我可以教波喇！」巴黎殘奧輪椅羽毛球男子單打WH2級銀牌得主陳浩源近日完成世界羽毛球聯會一級教練課程，他特別提到其牌照同時有資格教健全和殘疾人士，又指過程中也有受人白眼和輕視，但親身看過他示範以至與他對賽後都會說：「原來（坐）輪椅可以打成咁！」他盼望大家對別人能力下定論時，可以想想：「有限制嘅到底係人哋嘅能力？定係，有限制嘅係我哋自己嘅思想？」
陳浩源在社交媒體提到，輪椅運動員想在香港考獲可教健全人士的牌照「基本上無可能」，因為體育總會不會為其特別改動課程，「所以儘管你滿身獎牌，大滿貫，你都考唔到。」至於教殘疾運動員，都只是以過往成績為依據來認可，沒有專屬運動項目的教練牌照。他相信自己是全港第一個殘疾人羽毛球運動員獲國際教練牌照，希望可成為借鑑：「傑出嘅殘疾人士運動員係可以成為教練，甚至可以成為健全人士嘅教練。」
「大家唔好以為作為一個滿身獎牌嘅運動員去考教練就唔會受人白眼。」陳浩源指依然有人不認識的人會輕視他，他承認坐在輪椅上無法示範步法和跳躍，但這不代表他不懂，更不代表他力量、技術和戰術會比健全人士差，「大家可能以為我地坐輪椅，就要遷就我哋，打細力啲，唔好打咁邊，佢哋唔辛苦得......坦白講，唔好話我串，健全人士如果冇受過專業訓練，又或者冇打過全職，都唔係咁容易打贏坐喺輪椅嘅我。」
在教練班以至到海外為國際羽聯作示範時，不少人親身被陳浩源「教訓」完都會說：「原來（坐）輪椅可以打成咁！」他希望大家下次對別人的能力下定論時，可以想想：「有限制嘅到底係人哋嘅能力？定係，有限制嘅係我哋自己嘅思想？呢個世界好大，一定大過大家嘅想像！人嘅能力好高，一定高過大家嘅眼角！知識領域好闊，一定闊過大家嘅眼界！」
巴黎殘奧是39歲的陳浩源的最後一戰，在職業生涯的高峰退役後，香港的輪椅羽毛球卻後繼無人，他重申只要有有心人願意投身，他「免費都肯教」，笑言「依家有咗國際教練牌，可以收貴啲，由免費變為收一蚊啦！」
文：LikHang
