週五晚的放鬆空間：TGIF

最近小編碌碌下IG，見到有個貌似幾chill嘅地方叫TGIF，即係Thank God it's Friday？睇佢地IG，似乎有崇拜時間，又有活動俾人放鬆，同一般教會感覺有啲唔同。上個星期五，小編就去咗沙田都會廣場，實地同大家體驗一下呢度嘅特別之處。

▍　簡約崇拜與有趣workshop 打造星期五晚的療癒空間

原來由一月起，每個星期五嘅夜晚都有TGIF。一踏入會場，就見到台前擺放咗一啲植物，又有舞台燈光同煙霧；座位方面，除咗有普通膠櫈，仲有梳化、大型Cushion可以任坐。嚟參加TGIF啲人嚟下嚟下，都起碼有成60、70人。帶領敬拜嘅弟兄一個人拎住結他，一口氣同大家唱咗好幾首歌，包括〈起初的愛〉、〈晨星〉等等，鼓勵我哋用信心，就算世界有好多唔開心同埋難嘅事，要相信耶穌都會知道同見到。講道嗰陣，講員都用咗佢嘅第一身角度，分享佢服侍社區基層人士嘅經歷，提醒我哋要帶住基督嘅愛與人同行。

每次TGIF崇拜後，都會有chill time，有唔同多元化、內容吸引嘅workshops，試過一齊玩水墨畫，喺室內踢波等，同時又有祈禱空間、食嘢傾計嘅空間。今次workshop就係音樂free jam，身為教會敬拜隊成員嘅小編，都忍唔住jam埋一份……最後玩到11pm先走！

當日發現，參加者都好enjoy呢個「療癒空間」，我哋都搵咗幾位同我地分享下參加TGIF的原因同感受。

▍　喜歡熄燈崇拜 workshop吸引

之前在美國讀書、今年2月回港的Natalie說，有神學生朋友介紹她來這裡聚會。崇拜時間是星期五晚，剛好與她在美國教會團契時間差不多。

Natalie很喜歡TGIF這個聚會時間和「熄燈崇拜」。這樣的環境氣氛，令她能放鬆投入敬拜。「TGIF團隊好有心、好感受到他們的熱血，會為弟兄姊妹預備嘢食、崇拜、仲有唔同workshop活動都好吸引，好感受到可以同唔同年紀嘅人connect。」而她第一次參加TGIF時認識的兩個朋友，也一直陪她參加TGIF至今。

▍　這個空間很welcome來到的人

Kelvin是因為接觸到TGIF的IG page而參加的。在疫情之前，他是返一間「比較大啲嘅教會」，但自覺狀態「麻麻地」，疫情之後就沒有再返。後來，他想尋找另一個穩定的信仰群體，但又發覺自己「冇乜動力出去搵，又唔會無啦啦咁樣樁入去其他教會。」偶然間，他發現了TGIF的IG page，覺得內容新穎有趣，便吸引他好奇打探。

當他慢慢穩定參與TGIF，便感受到這個空間很歡迎到來的人。「就算我係新朋友咁樣入到嚟，我都會係比較容易入到個環境裡面一齊參與。」

▍　適合職青 較易邀請非信徒參與

在附近返工的Wally與嘉盈覺得，TGIF，較貼近他們的年齡層。經過一星期的勞累，他們放工之後，便直接可以「過嚟叉電休息」。每次TGIF聚會的內容，都會關心大家職場、或是和家人相處的一些事。崇拜後，大家亦會繼續留低，享受這裏的自由空間和茶點，與其他朋友傾計交流。這亦是他們最喜歡的部份，能深入認識和了解聚會當中的弟兄姊妹，彼此療癒。

他們認為，TGIF崇拜後每次有不同內容的chill time，可照顧不同性格和興趣的新朋友，讓他們較易邀請非基督徒朋友、同事一同參與。

幾位參加者，都不約而同地表達咗，TGIF係一個可以俾佢地敬拜聽道，但又可以放鬆攤抖嘅地方，一齊感受Today God Is First！小編當日都訪問咗TGIF搞手，請佢地講解返點解會開TGIF！想知點解，就請留意之後嘅post喇~~

文：KF