充滿創意的洗禮禮物

噚日三位小編同大家分享「不同年代的洗禮禮物」，收到嘅都大同小異，都係屬靈書籍、聖經、擺設之類，但從大家熱烈嘅反應中，小編見到原來都有唔少收過有創意嘅洗禮禮物！而且當中仲充滿喻意添！以下係小編精選：

Matthew：我收過一本好靚嘅荒漠甘泉，到今時今日仲睇緊。
同時又收咗一枝梅酒，話希望我可以記住耶穌行嘅第一個神蹟。

Phoebe：比較深刻係收到香水，叫我嘅生命要散發着基督嘅香氣。

Rita：鹽、香薰蠟燭，燭台。喻意作鹽作光 ✨

Karen：昨日私人送了支沖涼液，意指耶穌洗去罪惡。

Jenny：一件BB口水肩（代表我在基督裡重生，是一個新生BB），一本標竿人生，幾張卡。

洗禮收到熱情嘅弟兄姊妹一大堆禮物，只靠一對手可能真係拎唔晒，讀者Hohin嘅提議就真係幾實際：「袋，嗰刻永遠最啱用。」不過希望出完呢個post之後，唔會令到送袋嘅人突然大增，如果唔係就真係要袋裝袋裝袋咁返屋企喇～

文：LH