「好多人一講海，剩係諗到海鮮。」海洋生物研究員佘國豪 (Stan) 尋晚喺環保工會同本土研究社合辦嘅講座〈開心腥港〉如是說。他在FB看過，一啲人行過水族箱覺得好「fresh」，原來係指「啲魚鮮唔鮮味」。他續指，全球29%的海洋都被「過度捕漁」，我地雖然鍾意食海鮮，但如果可以揀有「環保海鮮」標籤認證嘅海鮮嚟食，其實幫到個海唔少。

▍ 啲魚愈捉愈細條

Stan展示美國某捕魚比賽歷年的相片，魚的體積愈來愈細，數量愈來愈少。其實不只美國，亞洲、非洲甚至香港的捕魚比賽，也有類似情況。可是，近年香港用拖網捕漁足足12小時，雖然捕獲很多魚，卻跟1、2蚊銀差不多大小。「以前嘅大魚，依家啲小朋友可能已經覺得係怪物，因為見慣呢啲細魚。」點解啲魚愈捉愈細條？

根據聯合國糧農署資料，原來全球海洋29%「過度捕漁」，即是魚的繁殖速度慢於捕獵速度，61%「飽和捕漁」(fully fished) ，繁殖與被捕的速度相若。換言之，只有10%海洋的魚有時間長成「大魚」，鯊魚、石斑這些生命週期長的魚在年少時已被捉得所剩無幾，就只剩下生命週期短，體積也較細的魚，像沙甸、鯡魚(herring)這些「罐頭魚」。

▍ 禁得魚翅一樣得唔得㗎？

鯊魚瀕危廣為人知，魚翅被詬病也不是一日之事。雖然魚翅入口量在1980 - 2000 年大幅上升，上環海味街曾有81-99種鯊魚賣，但自從香港、中國政府禁止在官方宴席食魚翅，歷年愈來愈多酒店將魚翅剔出餐單，連婚宴餐單的魚翅也減少了。但Stan提醒，「少咗」不代表「真係好少」，即使是近年最低點也是每年近2000噸，而且在2020年又有上升趨勢。而且，香港人「食得最多魚翅」的婚宴，數量增減卻與1980 - 2000 年代魚翅的升幅不成正比，令人疑惑入口魚翅到哪裏去了。

即使當「食少咗魚翅」是成功案例，能否推動其他瀕危海洋生物的保育議程？Stan說瀕危的不只是鯊魚，還有魔鬼魚、海參、花膠等，但宣傳效力差太遠。鯊魚的「周邊商品」有可愛路線，也有型格路線，但海參的T-shirt 「唔知做緊啲咩」，有次宣傳活動找來兩隻吉祥物，鯊魚一眼就可認出，但「隔離隻嘢跳咗成日都唔知係咩，原來係海參」。花膠更難，本身是魚肚，如果出隻魚，大家未必認得；如果出魚肚，花膠曾被用作安全套材料，那更尷尬。

Stan又展示一張宴會餐單，一數其中的海鮮名目，竟然也有10-12項，認為香港人食海鮮的需求頗大，而且「無聽過邊種魚無人食」。進食的豬、牛、雞不過幾種，連出產地、農場也常標示出來，但以海鮮種類之多，我們的認識卻出奇地少。Stan做過一次問卷調查，甚至發現有25%的受訪人覺得「海洋資源任攞」，雖然是少數，但如果七百萬人有25%有如此想法，「其實都好多」，反映教育的需要有多殷切。

如果想保護海洋生物，但也不想戒食海鮮，其實可以由認識「環保海鮮」入手。但究竟咩係「環保海鮮」，就請留意下個post了。

文：JC