今日係諸聖日，尋晚萬聖夜喺上環荷里活道，有間牧師酒吧 (pastor bar) 邀請街坊「頸渴，入嚟飲返杯先」，九點仲有場聖餐禮，除咗記念耶穌，又記念歷世歷代嘅聖人，以及10月31日喺威登堡教堂釘上《九十五條論綱》質疑天主教廷販賣贖罪券嘅馬丁路德。「不論宗教、種族、性取向，只要進來，就可以參與，同領主餐。」

▍ 有人嚟就要接納

點解唔信都可以領主餐？「希望嚟嘅人都覺得受接納。」主禮的普世平台教會(Ecumenical Hub Church)牧師陳嘉，一改招呼客人時的熱情嬉笑面容，認真解釋。但聖餐禮文有基督宗教信條，未信嘅朋友未能認信，咁有咩意義？陳嘉續說，初期教會到處服侍社會邊緣的無名大眾，那時未有聖餐 (communion) ，卻能向未信的人展示有信仰的「群體」(community)是怎樣生活，吸引他們慢慢了解以至接受信仰。他希望牧師酒吧也能盛載這樣的群體。

成晚客人出出入入，但牧師酒吧始終熱鬧，主餐時也盛載了二、三十人。聽陳嘉說，客人之中，信徒、未信朋友大概「一半半」，既有聖公會牧師、在浸大宗哲系畢業的男士，也有小編身旁裝扮成女巫的客人。小編不經意聽到，有客人覺得這裏的酒吧「唔似某啲教會，一定要係教徒才能領主餐」，很特別，也有人提到日本也有和尚開酒吧，誦經，與客人討論佛理。

▍ 酒後吐真言讓「離堂」的人訴苦

「嚟嘅朋友，通常會帶一兩個好耐無返教會嘅信徒嚟。」陳嘉希望，酒吧也可以是「離堂」信徒歇息、訴苦（甚至告解）的地方。這群信徒在堂會生活受過傷，但又不願放棄信仰，「帶佢地返佈道會又唔係，介紹佢地返另一間教會又唔係」，但一間牧師開的酒吧，卻可能吸引他們來，不只是借酒解憂，更不是醉酒縱樂，而是在微醺的狀態下放心分享鬱結，就像告解箱的木板，隔住熟悉但威嚴的神父，只剩下聲音，反而更自在告解。

小編喝的一杯，正是叫做Confession，雖然中譯取名自奧古斯丁的《懺悔錄》，但其實就是「告解」的意思。雖然是餐單上最烈的酒（認罪，承認自己不是上帝，所以永遠愛得不夠，也許也是信仰生活中最難做的事），但飲落卻又不覺太澀，不太覺醉，反而好像更清醒。（向上帝承認自己無能之後，反而心水更清，睇見自己點解要活着，又為咗乜可以去死。）

▍ 唔係揾錢只係服侍

牧師酒吧不是營商宣教，只是租借別人的場地，不定時招呼客人，今次萬聖夜只是第二次營業。牧師等負責人既不是為了牟利「開酒吧」，所以「免費」（餐單上寫着「Grace」）的聖餐才是彰顯「服侍」精神的重頭戲。陳嘉明白，一杯酒要$138的酒吧未必能服侍窮人，但這裏地方夠寬敞，至少可以讓來到的人舒服一聚。

睇到呢度，讀者可能未必同意牧師酒吧讓所有客人同領主餐，但或者酒吧牧師想我地思考，聖餐係咪一種基督徒生活方式？可唔可以用嚟傳福音？陳嘉強調，只有基督徒才明白聖餐的意義，但也不認同某些教會用聖餐排除「異端」。如果你有信仰，點睇呢種聖禮觀？如果你唔信，又想唔想揾日去牧師bar飲返杯？

文：JC