你想嘅香港未來？

對於香港嘅未來，你會有啲咩想像？由4年前嘅6月9日開始，香港人經歷過社運、疫情、移民潮……可能我哋都覺得好攰，但小編都好想趁機喺度鼓勵下大家，其實仍然有班人對香港嘅未來充滿想像🫶🏻

話說我哋一個幾月前喺中環碼頭擺市集嘅時候，曾經邀請過大家留低「你想嘅香港未來？」嘅睇法，有超過100位朋友留言比我哋，分享佢哋對香港未來嘅期望。

有超過三份一嘅朋友分享嘅都同教會、信仰有關，我哋見到有唔少朋友希望可以繼續返教會同有宗教自由，亦有人表示「希望教會、基督教文化更百花齊放」、「有更多人活出信仰！」、「希望香港有更多真基督徒，無論時代再壞，在地上活出信仰，為主作見證」。另外，有超過四份一嘅朋友寄望香港人繼續可以自由發聲，開放、包容、民主，「仍然可以呼吸自由嘅空氣」，「香港人可以做自己！」。

除咗同信仰、自由有關嘅說話，仲有唔少朋友留言寫低佢哋嘅願望。有人期望香港可以多啲發展藝術文化，多啲關心生態環境，多啲欣賞自己，少啲爭競，成為愛的群體，彼此結連，「希望香港有未來！」

小編睇晒之後表示十分感動🥹，亦都好想同大家講聲加油。唔知「你想嘅香港未來」又係點嘅呢？歡迎大家留言分享下～～🥰