口罩令解除後，返教會戴／唔戴口罩嘅原因

口罩令解除後，今個星期第一次可以唔洗戴口罩返教會，唔知大家仲會唔會戴呢？經過三年嘅口罩生活，有啲人可能已經習慣咗，但亦有人會覺得等咗咁耐，點都要除罩呼吸一下新鮮空氣～ 唔知你哋又點睇呢？

我哋今日出咗IG story問大家會否打算戴口罩返教會，截至今晚8點，97個投票嘅人當中，有39%打算戴，而61%就打算唔戴。

小編亦搵咗幾位分別打算戴同唔戴口罩返教會嘅朋友，講吓佢哋點解會咁樣揀。結果，戴嘅朋友都表示怕未做好「表情管理」、戴咗口罩之後會更加有安全感，而唔打算戴嘅朋友就覺得戴口罩其實冇乜用。

▍ 除罩原因：戴口罩代表「我冇得選擇」、口罩功用不大

Vera表示她不會戴口罩返教會，因她覺得不戴口罩是一件很開心的事，而且「人的臉孔比口罩重要」，希望看到弟兄姊妹的容貌。她稱從頭到尾都不認同戴口罩這回事，並認為之前戴口罩背後是代表「我冇得選擇」。最令她覺得荒謬的，是經常在街上看到有人脫下口罩吸煙，「肺癌都唔驚，驚咩Covid啫。」她說既然他們的行為都不會遭受歧視，而現在都公佈了不用戴，她便覺得不需理會別人的眼光。

Mike稱他也不會戴口罩返教會。他本身在醫療行業工作，覺得口罩的功用其實不大，阻隔力不高，只是人們現在的衛生意識高了，例如較多洗手和避免出入太多人的地方。

而且，Mike對戴口罩這回事亦感到抗拒。他認為戴口罩有時候也會有一種群眾壓力，令戴口罩變成一種因循，「似意識形態多過實際用途」。

▍ 繼續戴原因：大量口罩存貨、未練好表情管理、有安全感

阿蓮表示由於積存了大量口罩，除了在家和做運動以外，所有場合包括返教會，均會戴上口罩。再加上她認為在疫情期間，已習慣了戴口罩，因此在突然的轉變下，需要多些時間去練習「表情管理」。她擔心如不戴口罩，「成日唔出聲會畀人話我黑面同心情唔好」，所以現在希望先繼續戴。

阿基稱若他不戴口罩返教會，會感到「很大打擊」，因他覺得戴上口罩後，會讓人感覺他「靚咗」、「睇落比較精神」。至於表情管理方面，他表示這幾年已練成「用對眼笑」和「用嘴藐人」，並認為自己於這幾年的口罩生活中，人際關係反而比較好。

阿B也認為戴口罩比較有安全感，例如今日搭lift時遇到沒戴口罩的人打噴嚏，而她戴了便可稍為擋住。

總括而言，現在戴或不戴口罩皆屬於個人的自由選擇，最重要的是要尊重別人喔！

文：MM7

（圖片來源：Pomato 小薯茄 YouTube 片段截圖）