點樣唱詩歌先至算投入？以前覺得一定要出盡力比晒感情七情上面大大聲咁唱，先至係盡心盡性盡意盡力嘅敬拜（對我影響較深嘅係Hillsong創辦人Darlene Zschech的一本書《盡情的敬拜》），不過最近半年到了一間英文教會崇拜，我開始有唔同嘅諗法 。

▍ 舉不舉手，由我決定

返教會我哋成日話按感動，敬拜嘅時候好多人好有感動咁舉手唱詩敬拜，或隨着節奏搖擺身體大聲唱頌，如果係出於當下的真心誠意，我覺得能夠這樣自由地釋放身體語言，也不用拘泥於音準與否，是一件非常喜樂及自由的事情；只不過不是每個人在敬拜的那一刻都處於這種狀況，若然被社會生活或個人的遭遇壓得心力交瘁，絕對冇必要跟其他人一樣手舞足蹈地聲嘶力竭 。

▍ 當刻狀態，盡力就好

個人而言，這幾年香港的變化與及親人的離開，每次敬拜的時候我選擇忠於自己的心靈狀況，唱得幾多就幾多，有些句子唔想唱就會默不作聲，過程中，我學會了忠於自己當下與神的關係及距離，無需壓迫自己要有某些「良好的宗教表現」，反正上帝也沒有用槍頭指向我，因為耶穌講過敬拜最重要係用真心，你懂的。