近年，不論福音派定係靈恩派教會，都開始重視唔同嘅基督教節日。對於教會嚟講，本來係好事，但係整整吓，就變咗搞個活動，而唔係重視節期背後意義。

參考網上資料：「聖灰日的來由是早期教會讓犯了公開罪的人，有懺悔及補贖的機會，在禮儀中塗在教友的額頭上，作為悔改的象徵。神父或牧師為每人塗灰時會唸：你們要悔改，信福音。」

不過隨着活動化嘅趨勢，聖灰日變成一個特別啲嘅活動：有得燒下野、搽灰、打卡影相！究竟有幾多悔改嘅成份？我自己都唔知。

隨着疫情後教會要復原，想吸納返啲人返嚟，開始準備唔同形式嘅活動。不過，係唔係所有禮儀、信仰內容，都可以變成一種活動，可以俾人打卡、俾人消遣呢？

撞正情人節，更加體會到聖灰日嗰種噱頭。情人節收到花，影相；聖灰日，蒙灰，又影相。

（原載於作者IG）