飲者：留港定離港，咪一樣面對馴化壓力

最近台灣《文訊》講幾位香港作者，一句「留在香港的青年被馴化了」激嬲好多香港人。其實，話留喺香港嘅人（不只青年人）被馴化，同話離開香港嘅人逃避責任背棄身份，一樣咁XX（自己填充）。

或者咁講，香港人嘅「被馴化」係被動現在進行時態，唔係完成時態。我地每日、喺眾多事情上都面對馴化嘅壓力，呢個係事實，分別只在於我地係咪察覺、警覺呢啲馴化壓力，而喺能力範圍內盡力negotiate with the situations。

又或者得罪啲咁講，選擇同無可選擇而離開香港嘅人，一樣面對另外一啲馴化壓力。嗰啲各式各樣嘅馴化壓力，更加無形，更加唔容易察覺、警覺，令人更加容易conform。

上世紀因為進修，曾經喺美國小住兩年，當時感慨，「喺呢個社會一切太容易太安穩，好難實踐基督信仰。」教會裡面冇人知我噏乜。

張婉雯話，「沒有壓抑就沒有文學」。任何思想、信念、行動，都係一樣，都死於安逸。

一句到尾：周圍貼label，係最無謂嘅事，請高抬貴口。

（原載於作者FB，題為編者所擬）