真正想對年輕人好，在做青年牧養工作時，以下5個M是幫到手，經自己多年經驗證實係work嘅，歡迎有心人交流同分享，希望大家繼續努力。青年牧養5M如下：

Media - 全世界都知，近代歷史清楚反映，要engage年輕人最快最有效的工具叫media，特別網絡年代更加重要到黐線，唔識media skills 同冇media sense，你做的所有工作將會五折再五折，識得用又用得啱，結果可以好100倍1000倍；

Message - 青年牧養需要好的message，media就是為著message而存有，因為沒有message的media是死的，切記。要有源源不絕好的message給年輕人，愛+時機 x創意，切忌虛偽同長氣，點到即止，留返下次。漫長的同行日子之後，用自己生命串起過去傳播過的種種message，就是最好的生命信息；

Meaningful Relationship - 真心做牧養，無無謂謂的關係免喇。年輕人成長過程特別重視關係，關係除咗要真誠，重要嘅就係meaningful，meaningful可以好深和好闊，但堅持行嘅嗰條路就好窄，窄路嚟嘅，聖經話齋窄路即係正啦；

Mentality - 成長階段千變萬化估你唔到的心理狀態是每個年輕人都唔想，我地牧養可以做好少少就係唔好咁快睇到咁死，愛可以遮蓋我地的不足，同時可以開我地雙眼，看見更多的需要和接納。唔識可以學，有心去愛，上帝一定幫助我們；

Mobilization - 年輕人特別喜歡群體生活，從動員中借力打力，得著這個秘訣，transform就來。動員力是一種學問，沒有異象，民就放肆，放肆得耐就乜都唔想做，大鑊。得人心，得天下，千祈唔好誤解mobilization，動員不是老馮，也不是老屈。強迫得來的，是沒有靈魂；甘心樂意的，才是上主喜悅，甘心替代你呀。

（轉載自作者FB。標題為編者所擬。）