如果香港人呢輪一定要去睇套戲，都應該係《白日之下》啦。

這是一部很高質嘅港產片，製作認真不在話下，演員又演得好，最重要係個信息好有意思和深度，令人有好多反思。

好喜歡電影嘅其中一個設計，就係報社偵查組三個成員嘅性格。

他們分別代表了一個很有火嘅新人Jess（許月湘），一個做到有點滑牙，但仍然有少少盼望嘅亮（梁仲恆），最後就係一個身經百戰，但已對個制度，對世情麻木咗嘅曉琪（余香凝），不過佢勁呀，仍然想改變一些東西。

呢三個人嘅人設，係咪有啲似曾相識？因為這三類人都存在喺教會入面。

有些牧者和事奉人員由最初嘅好熱心已變成曉琪；麻木哂、有些人事奉到耗盡，開始發現其實有啲嘢都唔使咁認真嘅，於是變成阿亮；有些係初出茅廬，好有HEART㗎，準備對教會和自己來一場時代變革，好似Jess咁。

而好多時，同一個人就經歷咗呢三個階段，一開始好有火，但原來天氣不似預期，慢慢就滑了牙，最後對教會成個制度，對世情都唔敢寄以厚望，就慢慢淡出不問世事了，因為「一直以嚟建立咗咁多制度，原來呢D所謂嘅制度，連一個細路女都保護唔到」。

人生和球賽都有下半場，但教會仲有冇下半場？定係準備下半旗致哀？

電影問究竟十年後仲有無記者？同問，究竟十年後仲有無教會和傳道人？

講少少心聲，懶鬼仍然見到好多好有Heart的新晉傳道，佢哋都係基督嘅薦信，佢哋都好努力站喺最前線去服侍上帝。個制度未必好快改變到啦，So What ?

「可能真係無人在乎，可能我地試過一千次都係無用，但話唔定今次真係有改變」。

就算「我地覺得好離譜，因為呢D事每日都發生緊」，但有班人仍然好努力做緊嘢！

十年之後仲有無教會，有無傳道？基本上無人知，鬼都唔知，咁就不如好好做正確嘅事和做好今日嘅事，維持住團火唔好熄，咁先有得救。

曉琪曾經和Jess講，我麻木咗，我唔會留一滴眼淚，但最後她在雨中喊到豬頭咁，因為她被通哥點化咗，感動咗，她原來未曾麻木。

如果你變成了老油條，或你準備（想）做老油條，請你諗返在《毒舌大狀》裡林保怡問極度失意嘅黃子華嗰個問題：「你仲記唔記你當年讀Law係為咗咩呢？記下呀！」

（原載於作者FB及IG）