定義一下我所指的「回堂」是什麼，先多謝文化九公@king_zausage分享了一個自身經驗（睇返之前個post），從「離堂」的閾中帶出一個「回堂」的layer，很有啟發。

近年香港教會圈多以「離堂」作為熱門話題，討論的人也多，不用我加把嘴，反而「回堂」卻新鮮地吸引我的眼球，所以多謝Micheal。

▍ （重新）投入教會生活

於我，「回堂」語境的定義包括有兩種，1. 返過教會，然後離開過教會，然後再回到教會；2. 從來未返過教會，回到教會。（這句的定義堂會等於教會）

又先講吓我係邊種，同埋我身邊最多係邊種，我2001年12月17號信主，跟住嗰個星期日，我就「回堂」，第一次返教會，一直到今日，從未間斷，從未離開過「回堂」的信仰生活。

今年社會多發生事件，香港也經歷不容易的時代改變，我一直喺香港教會圈接觸唔同年齡階層嘅人，「離堂」的有，但「回堂」也大把。

▍ 「回堂」前的建議

咁對於準備「回堂」的「離堂者」，或者，從來未返過教會有機會「回堂」的人，我以下10個建議可能有些用：

1. 好好做一些資料蒐集。網絡年代呢方面好容易，以前有啲咩唔好嘅經驗同埋經歷，認識多咗，選擇上係可以避免重蹈覆轍，search下，或者，識人好過識字，問吓啲你覺得佢哋講嘢有見地又信任的人，可以早少少預備，good try；

2. Pray first。你通常都係發現自己生命有啲需要先會咁諗，真係為自己祈禱，求上帝為你預備一間合適嘅堂會，哪怕佢未必係你想像中固有教會嘅模式；

3. Take time。唔使一黎就8000轉地台油，好似沖凍水涼，先濕下隻手濕下隻腳，讓自己慢慢習慣，唔好急，冇人趕的；

4. Balance expectations。先整理下自己思緒，期望呢樣嘢好乞人憎，太有期望，有時又會失望，唔期望，又驚冇動力，點樣平衡「回堂」前的期望，試下搵張紙寫低，想試幾耐（建議唔好短過三個月），最壞最壞打算係乜先會終止呢一個行動；

5. 可以諗諗上一次離開教會/或者一路無返嘅原因，點解自己近來改變左？檢視下自己嘅改變，就算有軟弱有難處又點啫，耶穌唔會介意，咁先係一個非常了解自己的過程，be strong；

▍ 「回堂」後的建議

6. 慢慢認識下啱傾嘅人，或者有啲人嘅生命好被你吸引，有機會傾吓計食吓飯開始新生活，chill下先；

7. 回堂後，可能會勾起一些以前的傷痛或者羞恥感，經歷下靠住上帝去接受自己原諒自己原諒別人嘅過程，生命本來就係咁，be real；

8. Make friends。唔想太快俾人認得你或者投入感情，可以刻意保持距離，但係又唔好一直keep住咁樣，始終團契生活（唔係講緊返傳統團契時間嗰啲團契）才是一些基督徒之間大家彼此相處一個美好嘅時光 ；

9. Love & respect。嘗試用欣賞嘅眼光發現教會好的地方，永遠用一種疑似包裝批判嘅精神睇所有野都會篤眼篤鼻好鬼辛苦，放過自己 ；

10.重新睇一次聖經，上帝一定有話要對你說，Blessings!

我「回堂」咁多年，對聖經耶穌講嘅浪子回頭的比喻一直深深被吸引（路加福音15章），得閒睇吓，祝福你！

（原載於「耶青台」。分題為編者所擬。）